香港新浪網 MySinaBlog
« 上一篇 | 下一篇 »
fighting phoneix | 5th Jan 2009, 16:39 | 專輯介紹 | (643 Reads)

Picture

             又一次比唱片舖屈左機。在下本身已經買左星光三少的ep,每張45蚊,再加埋呢張85蚊既影音館,總共220蚊左右。點知唔夠兩秒,唱片舖又玩野, 搞埋d乜野套餐(星光三少ep+影音館=199蚊),足足昆左我廿幾蚊,認真無奈。

                不過算了,比唱片舖同唱片公司屈機已經唔係第一次。講回正題,唱片公司整呢張乜野影音館就擺明係呃$,將星光三少ep裡面既歌曲推出mv,收錄到呢張影音館。老老實實,呢堆mv係得周定緯果首《寂寞包廂》拍得好,不過唱片公司都有d良心,收錄埋星光三少在校園既演唱會,而且都錄得好好,所以咁就唔同講法喇。而星光三少既表現又如何呢?

               潘裕文獨唱左三首歌:《夏雨詩》、《老夫老妻》、《心裡的獅子》。雖然潘裕文的歌比較慢熱,但佢今次既表現都算係咁,都唱得到CD版既程度。至於周定緯,我曾經講過佢隻ep既快歌好聽,但慢歌不行,不過佢今次就令我刮目相看。他現場唱《You are not alone》和《遠在身邊》比他CD版好很多,唱得夠肯定又能帶起現場氣氛,相信這就是唱live的魅力。舞曲《寂寞包廂》,周定緯的舞姿都不錯,不過這個現場版本節拍較慢,未夠high。出乎意料之外的就是許仁杰,在ep裡,我對他的印象是唱抒情歌曲的歌手,點知佢今次唱《Because you're good to me》這首快歌居然有板有眼,跳舞仲好過周定緯,而佢唱《忘了說愛妳》同埋《夢見》都好過CD版。

               如果你之前有買星光三少的ep,買埋呢張影音館應該都不會失望。

評分:76/100

延伸閱讀:中規中矩─潘裕文【夏雨詩】EP

一半好一半差──周定緯【So What】

真誠的音樂才是最好的──許仁杰【夢見】

 

 

《夏雨詩》-潘裕文MV

 

 

《心裡的獅子》-潘裕文MV

 

 

《寂寞包廂》-周定緯MV

 

 

《遠在身邊》-周定緯MV

 

《花樹下的約定》-許仁杰MV

 

 

《夢見》-許仁杰MV

 

 

 

 


[1]

個封面搞到偶像feel,見到就唔想買~

毫無人性
[引用] | 作者 毫無人性 | 5th Jan 2009 20:37 | [舉報垃圾留言]

[2]

3個都唱得不錯哦!

星語心願
[引用] | 作者 星語心願 | 6th Jan 2009 17:54 | [舉報垃圾留言]

[3] Re: 毫無人性
毫無人性 : 個封面搞到偶像feel,見到就唔想買~
封面係偶像feel,但未必好差既

fighting phoneix
[引用] | 作者 fighting phoneix | 8th Jan 2009 17:43 | [舉報垃圾留言]

[4] Re: 星語心願
星語心願 : 3個都唱得不錯哦!
新一代歌手來說,已不錯了

fighting phoneix
[引用] | 作者 fighting phoneix | 8th Jan 2009 17:43 | [舉報垃圾留言]

[5]

年年湧咁多新年出來,個 Market 真係食得晒?!

Dozy
[引用] | 作者 Dozy | 10th Jan 2009 03:23 | [舉報垃圾留言]

[6] Re: Dozy
Dozy : 年年湧咁多新年出來,個 Market 真係食得晒?!
咁又會「西」走d人既~

fighting phoneix
[引用] | 作者 fighting phoneix | 11th Jan 2009 14:06 | [舉報垃圾留言]

[7] Re: fighting phoneix
fighting phoneix :
Dozy : 年年湧咁多新年出來,個 Market 真係食得晒?!咁又會「西」走d人既~

汰弱留強,是現今社會的必然定律,做這行,實力佔了90%以上,沒有實力,就算俾人捧了上天,又如何,很快就會掉下來~~~相反,有實力,就算掉下來,也會很快重新站起來


[引用] | 作者 阿細 | 16th Jan 2009 13:33 | [舉報垃圾留言]

[8] Re: 阿細
阿細 : 汰弱留強,是現今社會的必然定律,做這行,實力佔了90%以上,沒有實力,就算俾人捧了上天,又如何,很快就會掉下來~~~相反,有實力,就算掉下來,也會很快重新站起來

咁我又唔覺得有90%咁多,依家冇實力單靠個樣,都可以好紅!

反而好多有實力既就被埋沒

fighting phoneix
[引用] | 作者 fighting phoneix | 16th Jan 2009 13:37 | [舉報垃圾留言]

[9] Re: fighting phoneix
fighting phoneix :
阿細 : 汰弱留強,是現今社會的必然定律,做這行,實力佔了90%以上,沒有實力,就算俾人捧了上天,又如何,很快就會掉下來~~~相反,有實力,就算掉下來,也會很快重新站起來
咁我又唔覺得有90%咁多,依家冇實力單靠個樣,都可以好紅!
反而好多有實力既就被埋沒

做這行,太多不為人知的因素存在,也有很多辛酸不足為外人道,作為一個思想簡單的樂迷,我只知道,買碟就是最實際的支持~~~

星光幫與星光四少的唱片,我都應該會買的(不過應該不會同一時間,因為我會破產)~~~

多謝你的回覆指教


[引用] | 作者 阿細 | 16th Jan 2009 14:08 | [舉報垃圾留言]

[10] Re: 阿細
阿細 :  做這行,太多不為人知的因素存在,也有很多辛酸不足為外人道,作為一個思想簡單的樂迷,我只知道,買碟就是最...

咁就睇你點樣支持,有人買碟只係為左支持偶像(就算隻碟係爛碟)

但我就一定唔會咁樣,就算我好鍾意果位歌手都好,如果係爛碟我一定唔會買

坦白講,星光4少既唱片只係一般水準,但未去到買唔落既程度

fighting phoneix
[引用] | 作者 fighting phoneix | 16th Jan 2009 14:18 | [舉報垃圾留言]

[11] Re: fighting phoneix
fighting phoneix :
阿細 :  做這行,太多不為人知的因素存在,也有很多辛酸不足為外人道,作為一個思想簡單的樂迷,我只知道,買碟就是最...
咁就睇你點樣支持,有人買碟只係為左支持偶像(就算隻碟係爛碟)
但我就一定唔會咁樣,就算我好鍾意果位歌手都好,如果係爛碟我一定唔會買
坦白講,星光4少既唱片只係一般水準,但未去到買唔落既程度

哈哈.....多謝你的意見.

不過,我很同意,聽歌這件事,很主觀,有些被各大樂評人評為超級好聽的大碟,可能去到某一些人的手裡,就變得不好聽,全因為,各人的口味不同,要求亦不同.

爛與不爛,只是各人的口味不同,要求不同.

希望能與網主多多交流意見,謝謝指導~~~!!


[引用] | 作者 阿細 | 16th Jan 2009 14:29 | [舉報垃圾留言]

[12] Re: 阿細
阿細 :  哈哈.....多謝你的意見.不過,我...

曾經同人討論過爛碟問題,

有人話只要鍾意左果位歌手,鍾意聽佢唱歌,佢出乜野碟都唔會覺得爛

但我就認為隻碟質素如何,同鍾唔鍾意果位歌手,係兩回事

講開星光幫,水準之上既唱片,我推薦神木與瞳

絕對歡迎交流意見

fighting phoneix
[引用] | 作者 fighting phoneix | 16th Jan 2009 14:38 | [舉報垃圾留言]

[13] Re: fighting phoneix
fighting phoneix :
阿細 :  哈哈.....多謝你的意見.不過,我...
曾經同人討論過爛碟問題,
有人話只要鍾意左果位歌手,鍾意聽佢唱歌,佢出乜野碟都唔會覺得爛
但我就認為隻碟質素如何,同鍾唔鍾意果位歌手,係兩回事
講開星光幫,水準之上既唱片,我推薦神木與瞳
絕對歡迎交流意見

我會記住你這個推介....

雖然我經常聽歌,但我都不太了解,何謂"爛"??是歌功差??冇特色??還是其他~~~??

以前我聽歌,就只求CD內的歌是否OK,現在我聽歌,就首先睇睇那位歌星唱LIVE的表現,因為現今太多錄音室歌星湧現,我覺得,就算CD內,你唱到曉飛都冇用,因為唱LIVE就見真章,所以現在,我會首重他們唱LIVE的表現,再看歌曲質素,綜合各項因素,才決定是否買碟.

近幾年,我聽歌的口味,已經由廣東歌,慢慢轉而至國語...


[引用] | 作者 阿細 | 16th Jan 2009 14:59 | [舉報垃圾留言]

[14] Re: 阿細
阿細 : 我會記住你這個推介....雖然我經常聽歌,但我都不太了解,何謂"爛"??是歌功差??冇特...

其實唱功不好,不一定會出爛碟,就算係偶像派都可以出好既唱片,因為唱功不夠好,可以由特色,風格,感情控制等等去彌補,其實最緊要係背後果埋班音樂製作人交出什麼作品出黎,呢個係最決定性,就算唱功好似林志炫咁樣勁法,但冇好歌,都是沒用,所以歌手除了自己本身既唱功,最緊要係搵到好歌

我對於唱live都有要求,起碼要唱到cd 版8成幾,至於標準係乜野,其實每個人都唔同

由廣東歌轉聽國語歌曲,我又何嘗不是?

fighting phoneix
[引用] | 作者 fighting phoneix | 16th Jan 2009 15:20 | [舉報垃圾留言]

[15] Re: 阿細
阿細 : 謝謝指教~~~!!香港,現在推崇唱LIVE,不咪咀,但結果,就是將歌星們的缺點表露無遺...當表露無遺的時候,又不肯承認自己不足,賴這賴那,這樣又何來進步...??有些歌星唱LIVE 的表現更"恐怖",走音甩BEAT甩歌詞樣樣齊,但他們也不以為然,以這為特色...再這樣下去,我們這個市場就只有死路一條~~~我和你有點相同,就算那個歌星我超鍾意,若果他的歌唔岩FEEL,再加上唱LIVE 又唔OK,那就不

經常走音同假唱根本唔可以接受,衰左之後既借口一堆堆:爆肺,病左,生仔,或者話自己好過邊個邊個歌手,呢D已經聽得多

香港歌手根本冇乜點樣訓練或者捱過苦就要出道,唱歌,拍戲,拍廣告,又多應酬,咁樣搞到樣樣都係半桶水,點會成功姐?

買碟?搞掂好基本功先吧

fighting phoneix
[引用] | 作者 fighting phoneix | 17th Jan 2009 13:28 | [舉報垃圾留言]