番左一個星期工，都係時候講一下感想啦?

                     番工第一日，乜q都唔識做，如同廢人，幸好同事們知道我是新人，都算包容，依家總算逐漸適應環境了，現在只是熟練度既問題。

首先要形容一下身邊幾位同事：

同事一：男同事一名，其實佢在這間公司都是只做了四個月而已。佢年紀比我還小，不過當我對工作有不明白的地方，我還是會請教佢的，而佢都肯教我。佢講野都算幽默，除此之外，基本上同普通的男生沒有任何分別。

評分：70/100

同事二：女同事一名，已婚。佢根本就是一個普通c奶，c奶會有乜野特點?唔洗我多講啦。另外當我主動向她請教問題的時候,佢居然拒絕,真是...他媽的pk...@#$)je*$@#r#

評分：40/100

同事三：女同事一名，年齡最大，但印象最好。佢會主動教我野同埋幫助我，亦好健談，同佢傾得埋。總之佢就是一個大好人，十分友善，真係唔比張好人卡佢都唔得，爆分。

(我又借文少張圖先)

評分：100/100

同事四：勁料當然要放到最後先至講。女上司一名，做得呀頭，當然要夠惡先至得。毫無疑問，佢就是眾人之中最惡的。我明白做一個上司當然要夠惡先至可以睇住班細，所以我是理解的。但有邊個人會鍾意比人鬧先得嫁?所以我點都會有d怕左佢。幸好，當佢鬧完你一句,轉個頭佢都會哄番你，可以話係「高壓」同「柔懷」政策兼施。而且幫我調到假期睇范范演唱會，已經唔話得。

評分：65/100

                    講番份工，一係就忙到得死，一係就悶到抽筋，&呢份野食無定時，中午果餐可以是3點、4點或5點，係上司叫你食飯先至比你食，而且冇晚餐時間，晚餐要放工番屋企自己解決，工作時間又長，星期六、日仲要番11個半鐘...其實呢d辛苦我忍得到，但最忍唔到佢d假期是亂咁編，咁樣會好難安排自由時間比自己。我份人最唔鍾意就係將命運完全交去第二個人既手中，亦好反對為工作而工作，因為呢d根本唔係生活。生活係要比時間同身邊既人去相處、去溝通，做一些自己鍾意做既事，咁先至有意義。老實講，如果份工係值得我留低既話，我自然會留低，好明顯依家呢份並不值得我長期做，所以我唸住是儲下經驗，等幾個月之後市道好d，又學晒呢份工d野，搵夠幾皮野就會走佬，搵過第二份好d既工，所以辭咗呢份工係遲早既問題而已。不過我又唔係是是旦旦既人，只要我仲係呢間公司，我就會盡力做好佢。學呀曾突手所講：「我會做好呢份工」。