過往多次試過和網友出來見面，有部分還做了真人的好朋友，而和sinablog的網友見面，卻是第一次。

　　　　　　　點解會選擇和毫無人性見面?原因好簡單，因為我番工既地點和毫無人性所住的地點很接近，如果唔係既話，我彩你都傻。

　　　　　　　至於點解要選果日見面?原因就是果日呀頭放假，所以食飯時間可以由自己決定，會比較易辦事。

　　　　　　　好了，夠鐘了，不過毫無人性居然遲到十分鐘，實在是太冇人性了(怒)。本人吃午飯的時間只有四十五分鐘，咁搞法，得番半粒鐘食飯，真係好慘，慘絕人寰(悲)。

　　　　　　　雖然說是食午飯，但毫無人性已經食了午飯，所以實際上得我一個在吃，而且當時已經快下午五點，差d可以變晚餐，當時真係勁肚餓，所以是是旦旦在滋味街買了個二十六大元的三餸飯就算。講真，自從番工之後，都係自己一個食飯，今次終於唔洗自己一個了(哭)。

　　　　　　　當然，我和毫無人性傾談的，不外乎就是事業、學業、家庭、愛情觀還有sinablog裡的事情。大家都是年青人，所以channel很對，不過大部分都是佢出聲，我冇乜點講野，所以佢以為我係斯斯文文怕怕醜醜既人。講真，我對陌生人就係斯斯文文怕怕醜醜姐，不過熟悉我的朋友就知道，如果我同你混熟左既話，又完全唔同講法了，d人性真係會出晒黎~嘿嘿嘿(奸笑)。而且當時我狼吞虎嚥咁樣食飯，仲邊得閒講咁多野~(都是某人害我的，真是太過混帳了)

　　　　　　　講番毫無人性， 講真，佢同我估計的已經非常接近，因為以往約過某些網友出來,發現真實同虛擬世界的他可以是完全兩個人,起碼佢是一個很有人性的正常人，佢並不是一個PK仔或MK仔(真)，而且健談又友善，我認為佢同佢老豆開片，只係因為佢個老豆太過食古不化，並唔係因為毫無人性唔乖囉。我同毫無人性非常相似的一點就係，大家都係單親家庭長大，而且都係因為老母走佬~不過相比之下，我就幸運得多了，起碼我還有一個弟弟，可以一齊玩，而且又有一位很明白事理的祖母一直照顧我。在傾談的過程中，發覺毫無人性很想有拖拍，而我十年前試過一次去愛人，不過結局如何，已經唔洗多講。我已經對感情事睇化左(廿多歲就睇化左，怎麼辦?)，所以我現在的想法就是隨緣吧，要來就來，不來就算，就唔洗煩了。唸黎唸去，都是覺得呢首歌最適合依家既毫無人性，另外祝你盡快擺脫單身行列吧。

P.S.原諒我就是一個未出糧的窮鬼(哭)，所以請唔到你食野，反而要你請番我，出糧之後一定會好好報答番你(真)，另外你對我的建議，我會記住。

呢張好人卡，你要好好接實(笑)