係時候寫一下近況。

番左咁耐工，已經完全適應，又再繼續形容身邊同事先：

同事一：發現左佢有好多口頭禪，包括「嗱，好老實講......」、「嗱，講真......」「真係x你老母個臭x」、「喂，唔好賭咁x夜」......真係唔知好嬲定好笑，不過同佢都愈來愈好傾，佢份人都幾搞笑。

評分：80/100

同事二：整間公司裡面，同佢相處既時間最多。真係唔好意思，現在發覺我之前怪錯左好人，原來教我最多野既人係佢，最關心我、最細心既都係佢。

評分：90/100

同事三：已離職，真係唔捨得......

評分：100/100

同事四：雖然係最惡，但都講得笑，其餘照舊。

評分：70/100

同事五：女同事一名，發脾氣果陣極之黑人憎，0分。

評分：0/100

同事六：男同事一名，早排曾經離開過公司，依家又番黎，講野慢吞吞，但都好肯教我野(已經請教左佢點樣辭職法)

評分：70/100

                番左呢間公司一個月，試用期已過，上司對我既評語係「幾好」、「掂」同埋「你係得既」(不過唔知佢咁樣講係咪收買人心既策略而已)，而且發覺都對公司既人同事有d感情，係有d唔捨得，最搞笑係其他部門的同事居然以為我是17、18歲，真係唔怪得我依家入投注站都仲係會比人check身分證，不過已經決定了月尾就唔撈，因為已經頂唔順冇時間和空間留比自己，亦冇時間（日日番11點半至晚上10點，唔早唔夜）比我去同家人和朋友相處，可謂斷晒六親。我唔想咁樣，$唔係唔重要，但唔係最重要，我唔想因為搵$，而忽略左身邊既人。點解我要係月尾就唔做呢?好簡單，因為我想過埋個中秋節。我唔想人地食緊月餅果陣，我就要做到死下死下，我唔想屋企人食飯做節既時候，唯獨少左我一個，咁樣會好可惜。依家就係唔知點樣問口同上頭講我唔做......

延伸閱讀：番工一星期後之感想