首先，祝各位「中秋節快樂」。

　　　　　　好了，老土既對白已經講完，又係時候吹水發噏風。對我來說，中秋節呢一日，就係全年裡面我最鍾意既節日。你可能會問，除左食月餅，睇下月光之外，中秋節仲有乜野特別?點解我唔鍾意新年，又唔鍾意聖誕節等等?

                 首先講下新年。冇錯，新年係會有好多人派利是比你，有$係好開心，不過我唔鍾意用$去買人地既祝福，總之呢樣野比我既感覺就係好假!另外，聖誕節係好熱鬧，不過除左平安夜晚去倒數、睇燈飾、食下聖誕大餐之外，基本上都冇乜意義。至於其他節日，更加唔知為乜，講黎都廢時。而對我來說，中秋節就是在青衣海旁搵番d舊朋友、舊同學既節日。好神奇既一樣野，只要一到中秋節晚上，我所講既果堆人就會自動自覺出現在青衣海旁，只要我到時沿住青衣海旁去行，就一定會撞到熟人，跟住就當然會互相問候，同埋update一下大家既近況，八卦一下：

　　　　　「喂!你條pk最近有乜搞作呀?」

　　　　　「番緊咩工呀?有咩好介紹呀?」

　　　　　「知唔知呀邊個同邊個拍緊拖呀?」

　　　　　之後，當然就要吹下水，講番d搞笑野，想下當年咁啦~

               冇錯，想當年......再精確d黎講，中秋節對我既意義就係，給我一個難得既機會，同一班人一起追溯過去美好既回憶，呢樣野係其他節日比唔到我，唯有中秋節先至可以。好了，發完噏風了，多謝一班肯比面睇我呢篇垃圾文章既網友，雖然我知道我太長氣，但還是在此再向各位講多次「中秋節快樂」。

               究竟今年中秋節我會遇到乜野人和事?我深深期待。

我深深期待MV