揮霍原來這麼爽。
盧廣仲《好想要揮霍》
最近兩個月，不停地揮霍，當然包括新衫、新袋、新銀包，仲有其他濕碎野，不過廢時講，但以下呢樣野一定要講。
注意，$2的現金券只是客串，揮霍的東西其實是這部九月尾推出的SONY T715電話(行貨)。由於是推出了不夠一星期就買了下來，所以當時總共花了1980大元，對本人來說簡直是重創(現在好像1500蚊都唔使)。沒有任何特別功能，廢機一部，得個樣，剩係鍾意佢個造型同埋貪佢夠細部。問題又來了，我又唔係好鍾意玩手機，點解忽然之間要買過部新機?原因好簡單，因為之前果部已經有n年歷史既舊機壞左，局住要買。咁又點解會壞左呢?因為......去厠所果陣......(唔小心掉左落去屎坑度，不幸中之大幸既係，當時屎坑沒有米田共)你地明嫁啦?(痛哭)
http://www.sonyericsson.com/cws/products/mobilephones/overview/t715?lc=zh&cc=hk
其餘揮霍既，都是唱片，有新有舊，之前都未試過短時間之內買咁多。
台灣歌手篇：
星光幫系列：
蕭大俠的首張專輯的第三版本，二百幾蚊，真的好貴，好像只出了一萬套，我那張的編號是3834
當然還有蕭大俠的新專輯【王妃】，已經講過，不再詳述了。
延伸閱讀： 「王妃」見證著蕭大俠的進步──蕭敬騰【王妃】(Live 影音限定版)
呵呵，買了這兩位歌手的唱片，自然就會唸起當年超級星光大道，這兩位歌手同場PK的一戰，當時的勝利者為梁文音。不過若論專輯質素的話，今次應該是潘裕文勝出了。梁文音那張唱片基本上是可買也可唔買。唔買，唔會太可惜。買，只不過是本人有多餘的$，而且專輯又不太貴。至於潘裕文呢張新專輯，本人遲d會講。
延伸閱讀： 星光二班實力派歌手去唱偶像派歌曲是一種浪費──梁文音【愛的詩篇】
張韶涵系列：
左起：
張韶涵第一張專輯【Over the rainbow】(美夢成真豪華版) 、
【百變張韶涵2007世界巡迴演唱會(台北站)DVD】、
張韶涵最新專輯【第五季】
為何買【Over the rainbow】(美夢成真豪華版)?因為太好聽既關係，就算之前已經有香港版專輯，所以都買埋呢個版本黎儲。至於演唱會DVD，點解到依家先至買?因為......之前冇$，就係咁簡單。聽完這個演唱會LIVE之後，發覺唔想聽正常既CD版了，因為LIVE版仲好聽。而新專輯呢，在張韶涵六張專輯裡面，好聽程度算是排第三吧。改版之後，會寫聽後感。
李聖傑系列：
【收放自如】正式版一早已有，買埋改版是因為身痕。精選專輯到依家才買，都是因為$既問題。順帶一提，12月好像會出新專輯，之後還可能開香港演唱會。
延伸閱讀：
李聖傑──【音樂十年李聖傑唯一精選】 & 李聖傑──孤鸞療傷版【絕對痴心‧手放開】+【關於妳的歌】
其他：
戴愛玲【愛靈靈】，雖然沒有寫這張專輯，但是質素不差，加油。
范瑋琪【F ONE】(內地版)，買內地版是因為比台灣版多了一首歌。
延伸閱讀： 不能觸動人心的范瑋琪【F ONE】(內地版)
馬來西亞歌手篇：
戴佩妮系列：
左上：第二張專輯【怎樣】，裡面的主打歌《你要的愛》應該無人不識了吧
左下：第三張專輯【Just sing it】，裡面的《街角的祝福》應該都有許多人聽過
右上：【戴佩妮玩瘋了演唱會DVD】，很有個性和想法的演唱會
右下：【No penny no gain】(影音光碟)
(買不到大碟，唯有買vcd)
梁靜茹系列：
左上：梁靜茹【愛的大遊行演唱會LIVE CD】，有很多不錯的舊歌。
左下：梁靜茹【美麗人生】，梁靜茹做得最好的一張專輯，所以當年金曲獎只輸給王菲少少。
右上：梁靜茹【今天情人節演唱會CD+DVD】，一年幾之前已經想買，點知因為太貴，拖下拖下到依家先至買......
中間：梁靜茹【敗犬女王之情歌無雙CD+DVD】，呢隻碟基本上是用來練習唱K之用。
右下：梁靜茹【靜茹&情歌─別再為他流淚】(內地慶功版)，因為平，所以先至買。
無印良品系列：
精選碟，因為太經典，所以買。其餘的，都是為左唱K。
新加坡歌手篇：
蔡淳佳系列：
蔡淳佳17首精選的【等一個晴天】(內地版)，是蔡淳佳為了打入內地市場的專輯，不過衰在太多翻唱。新專輯【回到最初】，已經講過，廢時再講。
延伸閱讀： 你願意和蔡淳佳一起「回到最初」嗎？──蔡淳佳【回到最初】
香港歌手篇：
有人問我係咪完全唔聽廣東歌?又問我鍾意乜野香港歌手?我唸你睇到【SO I SAY】同埋【SO I SING 08 LIVE DVD】就已經知道答案，至於女歌手方面就鍾意剛剛結婚，姓關果位。而邰正宵，雖然佢在台灣發展，但其實佢係香港出生，係香港人。新碟【九霄雲外】又係遲d講。
好了，揮霍了很多，該係時候收手了。
