香港新浪網 MySinaBlog
« 上一篇 | 下一篇 »
fighting phoneix | 16th Jan 2010, 04:49 | 一般 | (391 Reads)

 

 

                   有高鐵錦上路方案既支持者話可以整條港島快線連接錦上路同埋青衣機鐵,可以將錦上路變成乜野西鐵+高鐵+港島快線既三合一車站!

                   吹呢,就吹到好叻好掂,但係事實上根本冇可能做得到,佢地完全冇唸過實際情況。點解?等我話你知點解。

                    整個港島快線站係錦上路,冇問題,整條藍巴勒海峽大橋,都冇問題,之不過...

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

係青衣北起港島快線站就非常非常有問題!

 

                     港島快綫話就話接駁去青衣機鐵,但係大家有冇唸過青衣機鐵站附近(即係青衣東北)其實已經冇任何位置可以起港島快綫既站同埋月台?因為附近係灝景灣、長發村、長安村、長發商場、青衣公園、船廠、聖保綠村、燕京書院、皇仁舊生會、呂明才小學(我母校)、閩橋小學、青衣運動場,仲有即將落城既青衣東北公園,樣樣都唔拆得,點樣整條港島快綫出黎?如果你話要拆是但一樣野,我第一個企出黎反對!仲有青衣北既幾萬個居民都會黎反對!因為我就係住係青衣長發村,住左青衣廿年,我好清楚青衣既野,唔信?你自己睇下以下既中原地圖,睇下青衣東北既邊一忽可以起個站出黎,如果你搵到既就話我知。而且仲未計工程對附近居民帶黎既影響wor?

 

 Picture

青衣機鐵站附近係青衣公園、青衣海濱公園、青衣游泳池、巴士總站,呢d公共設施根本唔可以拆。

牙鷹洲花園係公共設施,而且先至起左幾年,咁快又拆?唔好玩啦。

長安村有居屋同埋公屋,冇得拆。灝景灣呢d私人既樓宇更加冇可能拆。

長發村、青泰苑,同埋附近既中小學都唔洗講啦,而且又咁鬼遠~搵鬼搭咩~

船廠上邊有塊空地?唔好意思,其實係青衣居民嘈左n年都仲未起好晒既青衣東北公園,所以唔洗唸。

聖保祿村面積太細,而且靠山,除非將座山剷平,最終整唔整到真係好有疑問!

 

 

 

                        我又當你妙想天開,真係整到個站連接青衣機鐵,到時青衣站又負荷到咩?你要知道青衣站平時已經係好多人搭,連住馬灣既人都要坐巴士黎青衣站轉車,繁忙時間已經多人到暈!你仲未計東涌同大嶼山既人口會增加,同埋機場起埋第三條跑道之後所增加既旅客wor? 而且東涌線同埋機場快線起果陣,根本冇預計過港島快綫所增加既人流!試問點可能應付得到呀?所以話,港島快線其實係得啖笑呀!

 

 

 

 


[1]

總覺得近年來政府的地建規劃好有問題...
愈來愈冇系統了~~

Nic
[引用] | 作者 Nic | 16th Jan 2010 12:46 | [舉報垃圾留言]

做野太慢

[引用版主回覆] | 作者 fighting phoneix | 22nd Jan 2010 19:04

[2]

講真...唔可以日日有新方案的,總要做架,希望各團體唔好再拿香港的將來做籌碼,玩 Show Hand 啦~~

Dozy
[引用] | 作者 Dozy | 17th Jan 2010 02:20 | [舉報垃圾留言]

依家d人只講不做,冇乜實用!

[引用版主回覆] | 作者 fighting phoneix | 22nd Jan 2010 19:05

[3]

好似越來越多方案,但好似無邊一個無人反對... 難搞...

linerak
[引用] | 作者 linerak | 17th Jan 2010 19:11 | [舉報垃圾留言]

呢d咪就係為反對而反對囉!

[引用版主回覆] | 作者 fighting phoneix | 22nd Jan 2010 19:06

[4]

哎..政府也不能做得十全十美啦.

miu
[引用] | 作者 miu | 17th Jan 2010 23:14 | [舉報垃圾留言]

唔要求佢完美,但唔該d人唔好阻住晒!

[引用版主回覆] | 作者 fighting phoneix | 22nd Jan 2010 19:06

[5]

青衣友揮手~~~~(長康)
政府D野正宗9UP246

好贊同青衣站負荷問題
基本上我有得選擇都唔喜歡坐地鐵
繁忙時間多人到爆炸
非繁忙時間就疏到死

柏高
[引用] | 作者 柏高 | 18th Jan 2010 21:55 | [舉報垃圾留言]

青衣友你好emotion
咪就係囉!青衣站已經迫爆,仲點可能整多d人黎!

[引用版主回覆] | 作者 fighting phoneix | 22nd Jan 2010 19:08

[6]

為反對而反對, 拿出一些好睇的方案, 目的卻不是以整體大眾設想, 為小眾爭取而導致另一批小眾受壓......香港人再這樣濫用所謂的理性與民主, 被邊緣化絕對不是因為一條高鐵!!

Nathan
[引用] | 作者 Nathan | 19th Jan 2010 10:43 | [舉報垃圾留言]

佢地反對果d理由根本站不住腳!

[引用版主回覆] | 作者 fighting phoneix | 22nd Jan 2010 19:09

[7]

政府有多少次是做得好的?

帽子男
[引用] | 作者 帽子男 | 22nd Jan 2010 23:58 | [舉報垃圾留言]

冇邊幾次

[引用版主回覆] | 作者 fighting phoneix | 14th Feb 2010 03:41