香港新浪網 MySinaBlog
« 上一篇 | 下一篇 »
fighting phoneix | 16th May 2010, 02:30 | 一般 | (260 Reads)

 

Picture

 

    5月16日去投票把托?

         有些自稱是民主鬥士既,叫社民連,搞什麼公投,話要廢除功能組別,落實真普選,比中央政府知道香港人既意願,話只要果五條友得票率高過保皇黨,公投就算是成功。

         但係人都知道,得果五丁友辭職,做下show,中央政府根本驚都未驚過,完全唔會放呢五條友在眼內。如果係有種既、係夠薑既,你就全體議員辭職啦?得果五丁友有屁用?所以,中央政府直頭彩你都傻,當呢五丁友透明,叫保皇黨唔好參加補選,等呢五丁友自己慢慢玩、慢慢自慰。

         既然冇人同佢地玩、冇對手,於是乎,呢五條友又話只要投票率高過五成,公投亦算係達到目標,之後到呢幾日,又話投票率高過三成已經係好成功。

         大佬,咪當香港市民係白痴啦!公投成功個定義,改黎改去,咁鬼兒戲,成日講野唔算數,同民建聯成日改黨綱有咩分別?而且,白票又計,投比對手既又計你自己贏呀?投比對手既, 即係反對佢地啦, 都可以當支持自己?即係一入投票站投票就係支持自己?痴膠線!咁你咪玩晒?玩老屈呀?點都贏硬呀?不如直接話「公我贏,字你輸」啦好唔好呀?不過呢樣野都未夠頂癮,最頂癮係呢班垃圾仲係度鬧政府官員同特首唔去投票。咁即係點呀?迫政敵去「變相」表態支持你呀?你都short short地既!

          OK,反正呢個所謂公投,無論點樣都唔會令中央落實真普選,你鍾意自慰,你鍾意玩自瀆式勝利,就算啦,我冇所謂。不過,你搵一億五千萬黎自慰,我就好唔滿意!大佬,打幾世工都搵唔到一億五千萬啦,你咁樣同納稅人揮霍左佢?冇野下話?你班垃圾唔係話起高鐵好貴既咩?但起高鐵都有實質既作用,你班垃圾整埋d乜鬼公投,有咩野用呢?一億五千萬比你搞套鬧劇出黎?食屎啦!呢個所謂既公投咁白痴咁垃圾,參加黎做乜野呀?

          如果最後投票率唔過三成,社民連呢班友仔會唔會宣布失敗?梗係唔會啦!咪改囉,又唔係第一次!哈哈哈哈!

 

Picture

Picture

 


[1]

講真, 俾着我都唔會投一個既無聊又冇用兼冇意義的 "變相公投". 等睇結果算啦, 分分鐘有意外驚喜.

Daynight
[引用] | 作者 Daynight | 16th May 2010 09:49 | [舉報垃圾留言]

結果就係得17.1%,公投鬧劇就這樣在失敗中完結

[引用版主回覆] | 作者 fighting phoneix | 18th May 2010 12:51

[2]

唔知你支唔支持普選..
但我可以話你知,
中央同政府一定會屈香港人大多唔想普選
屈香港人唔要路線圖
屈香港人政治冷感, 得班80後攪攪陣... See More
當然唔投票的人可能都係支持普選,
但政府會騎劫香港人唔普選..
投票率底..不只公社輸, 是香港要民主的輸...


[引用] | 作者 一位80後青年 | 16th May 2010 23:21 | [舉報垃圾留言]

普選對我來說就是可有可無,有既當然會更好,冇既都唔會死。而今次公投根本同支唔支持普選冇乜關係,你去投票唔代表你支持普選,唔去投票亦唔係唔支持普選。唔去投票只係對公投冇興趣。你話中央一定會屈香港人大多唔想普選?我想問,一定係屈既咩?你唔比係真嫁?你唔比香港人真係唔急於要普選既咩?

[引用版主回覆] | 作者 fighting phoneix | 18th May 2010 13:09

[3]

我說要去投一張廢票,這樣才能表示不滿呀!
唔投人地唔知你是不滿還是忘了,或是其他呢!

linerak
[引用] | 作者 linerak | 17th May 2010 08:03 | [舉報垃圾留言]

但係公社話投票率高係佢地既目標,投票率愈高,公投愈成功。你去投白票,姐係變相推高個投票率,變相支持佢地搞公投。但你唔去投票,就肯定話到比人知,你唔支持呢個公投。

[引用版主回覆] | 作者 fighting phoneix | 18th May 2010 13:13

[4]

貌似這次的投票率很低呢.


[引用] | 作者 miu | 17th May 2010 19:51 | [舉報垃圾留言]

一早估到

[引用版主回覆] | 作者 fighting phoneix | 18th May 2010 13:36

[5]

俾你估中佢地唔認衰了。

謝天下
[引用] | 作者 謝天下 | 19th May 2010 15:17 | [舉報垃圾留言]

如果佢地認衰既話,太陽都由西方升起了!

[引用版主回覆] | 作者 fighting phoneix | 1st Jun 2010 03:39

[6]

如果好似澳洲一樣﹐立法規定我地一定要投票的話
相信﹐我會係張選票上面寫粗口﹕X爆社民連
不過班友得到43萬票﹐已經好得人驚啦﹖
你諗下43萬人都信社民連兜友鬼話連篇﹐係幾得人驚的事﹖

文少
[引用] | 作者 文少 | 21st May 2010 08:13 | [舉報垃圾留言]

未驚過

[引用版主回覆] | 作者 fighting phoneix | 1st Jun 2010 03:40

[7]

一億五千萬是香港人付的,威是他們拿的。
最慘係輸咗唔認賴地硬,真係公投五恥!

Dozy
[引用] | 作者 Dozy | 22nd May 2010 02:09 | [舉報垃圾留言]

教授最可恥,又話公投唔夠20%就辭職~依家?講完就算~!

[引用版主回覆] | 作者 fighting phoneix | 1st Jun 2010 03:44