香港新浪網 MySinaBlog
« 上一篇 | 下一篇 »
fighting phoneix | 18th Jun 2010, 01:12 | 一般 | (159 Reads)

Picture

             看了數日世界盃,場場開細,冇乜波入已經就黎頂唔順了。有質素既防守足球很好看,但冇質素既防守足球是不好看的。這幾日世界盃,隊隊都冇乜跑動,成日行住黎踢,攻都唔想攻,好似無心戀戰一樣,真係好火滾,真是冇眼睇了。

 

Picture

 

 

           另外,那些所謂強隊既表現也是乏善足陳,好像法國、阿根廷和英格蘭,根本不知道在踢什麼,連中國都打輸既法國手球隊,進攻點太著重列貝利一個,好易比人睇穿晒條路。世界盃暫時表現最好的,只有德國隊,不過論娛樂性最豐富的,要數巴西對北韓。

 

            世界冠軍巴西對一支完全唔知底細的北韓,實在是非常吸引,所以我和很多人一樣,選擇去青衣城這些大型商場看這場大戰,兩點半開波都有幾百人睇,真是夠晒氣氛。基本上球賽未開始之前,全世界都認為巴西一定會大炒北韓的,我也是支持巴西的,因為北韓的鄭大世實在係太臭串了,說分組賽每場入他都會射入一球,我覺得他實在是痴線同埋不知天高地厚了,要比他見識一下世界冠軍的實力才行啊。未開波、唱國歌的時候,鄭大世居然喊了,而我笑了,在場所有人都笑了,之後是一陣掌聲鼓勵,我心裡想:「是不是怕輸波要做礦工呀?定係被洗腦洗得咁鬼嚴重?金正日真係咁偉大?」

            開波後一如所料,巴西狂攻,北韓死守,但面對北韓的鋼鐵防守,巴西隊都顯得老鼠拉龜。北韓球員很有紀律、很有鬥志,面對世界冠軍也毫無懼色,居然頂得到半場,真是太人感動了!這時我和所有人都轉而支持北韓了,希望北韓入波,希望鄭大世「做到野」,迫巴西使出真功夫,北韓一有攻勢,全部人都馬上拍掌支持!可惜世界冠軍絕對不是流的,下半場開賽不久,巴西就憑馬干既零角度射球和羅賓奴既靚絕助功射入兩球了,但熱血的北韓球員仍然不放棄,終於在完場前幾分鐘,鄭大世助功志尹南射入一球攞番個安慰獎!比賽完了,雖然我輸了一舊水,但我都很滿意,因為睇到一場咁精彩比賽,我承認之前輕視北韓足球實在是太無知了!相信北韓政府都會好滿意今場比賽吧!因為北韓隊入到波,北韓政府又可以發揮其剪片特技,老作北韓贏巴西1比0,奪得世界盃冠軍!

 

Picture


 

 

 

 

P.S.老實說,我對鄭大世改觀了,佢實在太正了,我會考慮印件鄭大世既波衫!

Picture

留言(8) | 引用(0) | 話題(足球)

[1]

北韓係好波, 但我仍然唔希望佢地出線十六強.

Daynight
[引用] | 作者 Daynight | 18th Jun 2010 10:15 | [舉報垃圾留言]

我就好想佢出線,不過佢地既實力未去到果個程度..

[引用版主回覆] | 作者 fighting phoneix | 8th Jul 2010 12:11

[2] Re: Daynight
Daynight :
北韓係好波, 但我仍然唔希望佢地出線十六強.


何解﹖

文少
[引用] | 作者 文少 | 19th Jun 2010 00:27 | [舉報垃圾留言]

[3]

卡比路:本屆足球史上最糟.


[引用] | 作者 miu | 19th Jun 2010 00:28 | [舉報垃圾留言]

唔好賴個波~

[引用版主回覆] | 作者 fighting phoneix | 8th Jul 2010 12:14

[4] Re: 文少
文少 :
何解﹖



我想科特迪瓦出線多d, 而且我對北韓仲係有所歧視

Daynight
[引用] | 作者 Daynight | 19th Jun 2010 10:18 | [舉報垃圾留言]

sorry,衰左~

[引用版主回覆] | 作者 fighting phoneix | 8th Jul 2010 12:15

[5]

我都想睇吓北韓有幾勁,最衰屋企冇有線!!!

扑頭黨黨員
[引用] | 作者 扑頭黨黨員 | 20th Jun 2010 14:12 | [舉報垃圾留言]

上網睇囉~

[引用版主回覆] | 作者 fighting phoneix | 8th Jul 2010 12:15

[6]

不知道鄭大世他們回國後是否真的要做礦工.

帽子男
[引用] | 作者 帽子男 | 23rd Jun 2010 00:00 | [舉報垃圾留言]

梗係要啦~

[引用版主回覆] | 作者 fighting phoneix | 8th Jul 2010 12:19

[7]

好可惜~ 我都幾睇好北韓可以出線,但始終冇大賽經驗,希望今次之後可以多d同其他國家友賽一下。

shareblog
[引用] | 作者 shareblog | 30th Jun 2010 21:32 | [舉報垃圾留言]

佢地要死守先至得,主攻衰硬~

[引用版主回覆] | 作者 fighting phoneix | 8th Jul 2010 12:19

[8]

真係要頒個最佳體育精神獎俾北韓班大叔。今屆最中意既球隊!


[引用] | 作者 半桶水 | 30th Jun 2010 21:37 | [舉報垃圾留言]

佢地太令人感動了!

[引用版主回覆] | 作者 fighting phoneix | 8th Jul 2010 13:45