香港新浪網 MySinaBlog
« 上一篇 | 下一篇 »
fighting phoneix | 9th Aug 2010, 21:05 | 一般 | (228 Reads)
很高興,可以再度加入失業大軍行列了(笑),我終於重獲自由了,不過想先講講我過去數星期在公司裡發生過什麼事。

本來想hea埋佢,開開心心安安落落過埋我在這間公司的最後日子,但怎知道被人調到老遠,新開的屯門店做開荒牛。本著學習的精神,我唸住去幾日都冇乜所謂,但點知到最後竟然去了足足兩星期,日日開ot,車錢同補水完全沒有,連食飯去廁所既時間都冇,真是超級辛苦,簡直係做死人,完全可以用地獄來形容,所以搞到連寫blog既時間都冇(哭),日日做到隻狗咁,依家仲病埋添。

另一邊廂,佢竟然出動埋營運總監(公司裡最大粒野果堆)同我傾計,想留我:「我唔會叫你打呢份工成世~之但係作為一家企業,我地知道要搵到一個好既員工係好難既。」

「點呀,做咩唔幫我手喇?做到好悶呀?如果想轉其他部門,我可以幫你嫁。」

「聽呀邊個邊個(主管)講,你要去外國旅行wo?最多我比一個月假你,去完番黎再做過啦。」

「你做住先啦,一係搵到新工先至走啦,咁樣對你係一個保障。幫到公司多一個禮拜就一個禮拜啦,如果唔夠七日通知期,我可以幫你搞嫁。你再考慮下先啦。」

「我知你依家人工唔高,但依家立法會已經討論最低工資,將來你人工一定唔止呢個數。」

其他同事知道後,覺得我可以令到高層開聲留我,真係夠晒有face屎,不過經我分析之後,仍然係打動唔到我,我覺得呢d只係甜言蜜語,只係佢狗up而已。後來,我轉去屯門舗之後,這位總監日日都講一次,仲打埋感情牌添:「你睇下佢(主管)~依家做到半條人命咁~只有你可以幫到佢嫁咋,佢對你好似親生子女一樣,唔通你地冇感情既咩?你再唸下啦!」但經過我詳細分析後,我愈來愈覺得唔對路,仲愈唸愈火滾!簡直是火很大!我最討厭別人動不動就拿感情來說事。感情唔係唔重要,但我依家都係打緊份工姐,事業對我黎講都係好重要啊,但點解我係度做左一年野,都仲係見習級呢?如果你話我唔做得野,我做得唔好,你唔升我,我冇野好講wo?但依家你係覺得我做得野,你話我做得好好,咁點解我做左咁耐,我都仲係見習級?你講既野同所做既野完全係兩回事!仲有,我初初見工果陣,人事部經理講過,我做夠三個月,就唔會當我係新人一樣看待,應該轉做正式。點知依家做左一年野,都當我係新人。不過更加搞笑,更令我唔gur既係,係新店見到有兩個新入職既,年紀小過我,居然冇「見習」呢兩隻字。即係理論上,係呢間公司做夠一年既我,仲低級過班新仔喇wo?要我聽佢地支笛喇wo?簡直完全唔合理!既然待遇連新人都不如,咁我想唔撈係好正常,因為事實已經證明左我係唔受公司既重視!仲有,你要留人,最簡單既方法不外乎係升職加薪,但你都係隻字不提wo?咁仲有咩野好傾呢?臨走前,主管對我說,只要我再番去做,佢會同總監講升我職。但我心唸,升我咩野呢?講d唔講d!由「見習」升做「正式」的嗎?如果係咁既話,咁就費時喇,因為我做夠三個月果陣,你一早應該升我啦。既然我依家出過去,就唔會以「正式」為目標,起碼都要升做「資深級」先至收貨啦!既然以我的學歷和工作能力根本唔需要做呢份工,咁我仲洗乜屈係呢度呢?係咁先啦~


[1]

柳暗花明又一村,努力!

老清
[引用] | 作者 老清 | 10th Aug 2010 05:36 | [舉報垃圾留言]

我會的

[引用版主回覆] | 作者 fighting phoneix | 8th Sep 2010 20:57

[2]

比心機搵個份啦! 天無絕人之路,呵呵呵!

linerak
[引用] | 作者 linerak | 10th Aug 2010 07:02 | [舉報垃圾留言]

咁我又唔驚~

[引用版主回覆] | 作者 fighting phoneix | 8th Sep 2010 20:58

[3]

我轉左工lu
每晚起馬十一點後先有機會返到屋企
做到隻狗咁
加油努力搵工~~

柏高
[引用] | 作者 柏高 | 14th Aug 2010 01:15 | [舉報垃圾留言]

大家咁話啦

[引用版主回覆] | 作者 fighting phoneix | 8th Sep 2010 20:58

[4]

兜口兜面就省落去呀營運總監度丫嘛, 睇下佢點樣回應到都好丫~~~~

anyway, 海闊天空, 有料子的出去只會更好~加油啦~~~~~~~~

Cherrie
[引用] | 作者 Cherrie | 9th Sep 2010 17:24 | [舉報垃圾留言]

咁又唔好~雖然佢係扮晒野,但對我都唔差~我會比心機~

[引用版主回覆] | 作者 fighting phoneix | 21st Sep 2010 23:15