香港新浪網 MySinaBlog
« 上一篇 | 下一篇 »
fighting phoneix | 29th Nov 2010, 19:18 | 一般 | (367 Reads)

 

Picture

 

            巾幗梟雄之義海豪情終於播完,收視率好高,可喜可賀。當然此劇成為不了我最喜愛的電視劇集,有幾部分我覺得係爛到爆炸(例如乜野Victory果part,我覺得好鬼低能兼白痴),但點樣爛都唔夠晴晴(陳法拉)呢個角色爛!我覺得成套戲簡直係比佢破壞晒!

            廢話多說無益,究竟佢衰乜野?佢衰在死唔斷氣。由頭幾集開始到最後一集,一直都話佢有心臟病,但點解心臟病病發百九幾次都唔洗死?有乜理由?第一次講佢心臟病發果陣,話佢病得好嚴重,都有d為佢擔心。第二次又係咁,不過已經感動唔到我。到第三次,係人都估到佢又唔洗死既時候,只會覺得好鬼煩、反感、造作、係度拖戲。到第四次,簡直想佢死快d!好討厭!唔該好阻住地球轉!而到最後一集,佢真係死左之後,我直頭覺得佢係抵死!

           仲有樣野衰,就係衰在果本垃圾日記。日日都係咁讀,讀到有神沒氣,真係煩到嘔血。到最後一集佢死左,做鬼都唔肯放過我地,仲要比佢個老公去讀,我真係幾驚佢會讀到天光!

           最記得有一part,佢比個日本仔向山達也迫婚,最後仲殺左佢。唔知點解我反而更同情達也,人地話晒救過佢既朋友,為佢放棄左咁多野,到頭來居然有咁既下場。

           我覺得如果晴晴呢個角色早d死既話,成套劇會好睇好多,因為晴晴實在太難頂。唔知點解,成套劇,印象最深刻既一句對白就係:「吔屎啦!梁非凡!」。不過,最記得呢句對白並唔係因為劉醒(黎耀祥)同梁非凡(麥包)做戲做得屎,而係因為佢地演得太好。反而我真心想係度講一句:「吔屎啦!晴晴!演技太爛喇!」

 

 

PicturePicture


[1]

人地有o的想捧佢,所以多o的戲份,如果佢早死,會俾一個冇知名度的n線演員做ge...

同埋套野前半同後半唔同編劇,質素差好遠la!

睇無線劇唔駛咁勞氣,佢做得好先奇。

Him
[引用] | 作者 Him | 29th Nov 2010 22:24 | [舉報垃圾留言]

算啦,好在其他演員既演技我幾滿意,唔係我實唔睇

[引用版主回覆] | 作者 fighting phoneix | 10th Dec 2010 03:41

[2]

向山達也竟當她女神,還要自命清高地尊重她,結果就是仆街死

灰先生
[引用] | 作者 灰先生 | 29th Nov 2010 22:46 | [舉報垃圾留言]

但向山達也真係好搞笑,唔想佢死~!

[引用版主回覆] | 作者 fighting phoneix | 10th Dec 2010 03:41