香港新浪網 MySinaBlog
« 上一篇 | 下一篇 »
fighting phoneix | 16th Jun 2011, 03:36 | 一般 | (301 Reads)

Picture

首先,要向殉職警長致敬。

    佢捨身救人的偉大情操,讓旁觀者動容,佢絕對是一位盡責的警長。如果有人質疑佢為何不做足安全措施才去救人,我認為咁既想法是非常搞笑兼多餘既,因為救人從來都係要爭分奪秒。唔通話:「呀生,你唔好跳住啦,你等我做足安全措施先至跳啦。」等得你做好安全措施,相信條友已經跳左落去喇。而發生咁不幸既事,真係冇人想。係呢度,希望政府會為殉職警長既家人同朋友提供適當既協助,幫佢地渡過難關。

    不過,呢件事係咪真係冇人要負責?冇人做錯?絕對唔係。其實示威者根本唔多想自殺,如果佢想自殺,早就燒炭或者自己斬死自己了,仲會比時間你救佢咩。佢做咁多野,說穿了,其實係想做場show,等人地關注佢既景況,所以佢選擇以呢種過激既形式抗議。正所謂「我不殺伯仁,伯仁卻因我而死」,示威者絕對是間接累死救佢既警長,而且又令中環區交通櫅塞,影響番工番學既市民,真係非常自私自利兼累人累物。佢呢場show絕對係玩大左了,今次真係「唔見棺材唔流眼淚」了,所以佢先至咁內疚,要跪地認錯。我希望政府執法要更加嚴厲,唔可以再比呢種刁民搞事。

     不過整件事,我最討厭既,就係陳偉業。平時最鍾意以過激既手段抗議既就係陳偉業!最鍾意叫人地以過激手段抗議既又係陳偉業!於是乎示威者有樣學樣,今次仲間接搞出人命添!所以陳偉業呢個政棍絕對係責無旁貸既!而陳偉業既言論,真的令我火很大!佢居然第一時間將所有責任推卸比周一嶽,話係周一嶽唔見示威者先至係造成悲劇既原因......如果佢呢句成立既話,我都可以話係陳偉業身為議員,跟進不力,乜都幫唔到示威者,先至造成悲劇!陳偉業又話佢無教唆示威者,又話示威者精神有問題......不就是「此地無銀」麼,真係唔好當香港市民冇腦啦,示威者道歉得咁正常,邊忽有精神問題?真係搵鬼信咩。計我話,佢老屈示威者精神有問題,係因為萬一示威者掉轉槍頭話係佢教唆既話,佢都可以用「示威者精神有問題」黎解圍姐!陳偉業毫無悔意,癲倒是非,仲想用各種借口黎逃避責任,絕對係無恥之極,如此政棍應該即時道歉兼下台才是!

 

 

 

 

強烈要求無恥禍港政棍陳偉業道歉兼下台!


[1]

究竟係乜野事? 點解我唔知嘅~
等我去八下新聞先.....


[引用] | 作者 linerak | 16th Jun 2011 06:44 | [舉報垃圾留言]

乜野事?就係唔好既事

[引用版主回覆] | 作者 fighting phoneix | 8th Jul 2011 15:50

[2]

噢,看到了.....
真係唔抵....


[引用] | 作者 linerak | 16th Jun 2011 11:46 | [舉報垃圾留言]

梗係唔抵,比政棍玩死..

[引用版主回覆] | 作者 fighting phoneix | 8th Jul 2011 15:49

[3]

所謂社民連三子中﹐我個人最討厭大舊
文又唔得﹐武又唔得﹐口才又唔得﹐還時常亂up24﹐當年比人趕出民主黨﹐又係因為穿櫃桶底...唉。

文少
[引用] | 作者 文少 | 18th Jun 2011 07:08 | [舉報垃圾留言]

冇料到都可以有咁多人捧,真係...

[引用版主回覆] | 作者 fighting phoneix | 8th Jul 2011 15:48

[4]

我對陳偉業也沒有甚麼好感.


[引用] | 作者 miu | 27th Jun 2011 19:34 | [舉報垃圾留言]

都唔明點解有人會選佢

[引用版主回覆] | 作者 fighting phoneix | 8th Jul 2011 15:49

[5]

之前我都冇為意有呢單嘢,睇完之後我真係想打爆佢個頭!

Dozy.第一桶金
[引用] | 作者 Dozy.第一桶金 | 3rd Jul 2011 04:33 | [舉報垃圾留言]

應該將佢丟落垃圾桶

[引用版主回覆] | 作者 fighting phoneix | 8th Jul 2011 15:50

[6]

過了咁耐,此刻係7月16啦!仍然覺得大舊衰!!!

貓城記
[引用] | 作者 貓城記 | 16th Jul 2011 01:35 | [舉報垃圾留言]

呢d禍港分子真係太可惡!

[引用版主回覆] | 作者 fighting phoneix | 21st Jul 2011 15:45