香港新浪網 MySinaBlog
« 上一篇 | 下一篇 »
fighting phoneix | 12th Oct 2011, 02:04 | 心情記者 | (755 Reads)

       終於搵到工了。    

       去年暑假辭職到現在足足有一年多的時間,我成為了雙失青年。本來話努力搵工既,但以我這種喜歡逃避的性格,根本就係hea搵工,所以拖下拖下就一年 了,而且家裡發生了很多事,所以也沒心情了。至於這一年又做過了什麼?搬屋、去馬來西亞旅遊探親,同埋hea囉,約半年前在友人介紹之下,去過一間公司做 了part-time個半月,也就這樣吧。

       我是自己走既,因為我覺得做part-time意義不大,當然也因為發生了些事...仲記得我臨走果日,我有點開玩笑+扮灑脫+扮型地同佢講了四隻字:「後會無期。」點知佢話:「唔使咁絕既,就算你搵到新工作,都可以放工之後黎做part-time嫁。」我心唸:「仲做part-time?唔係下話。」

       之後,我又去hea了,hea到連自己都忍無可忍既時候,我先至去積極搵工。可惜自己既面試技巧實在太爛了,唔係次次都咁好彩可以好似我見第一份工既時候,我乜都話唔識答,佢都肯收我。結果我呢年總共失敗了十多次,雖然當中都有請教朋友,亦愈來愈有進步,但不行就是不行,我失去自信了,我絕望了。

       正當我愁緊搵工既時候,忽然有人打比我,當初我還以為是垃圾電話。怎知道原來是之前做part-time果度打比我。我心唸:「唔係又因為太忙,所以搵我返去做part-time掛?」點知神蹟來了,佢話:「有冇興趣返去我條team度幫手?因為最近成功向公司爭取加開長工職位。有興趣既話我聽日叫人事部打比你。」我問佢:「點解會唸起我?(唔通我走果陣對佢講果四隻字令佢印象太深刻?照計我以前做過乜工作、學歷同背景,佢都係唔知嫁wo?)」「冇野,只係因為之前你做part-time既時候,覺得你做得ok。」

      故事結局如何,已不用多說了。不過都要經過人事部兩關先至搞掂。為免再次失敗,所以不敢開價太高,而且又找了些友人出來「吹水」。結果HR問我既問題不外乎是「為什麼其他公司唔請你?」、「你有什麼優勢?你學歷不高。」、「這段日子你做了些什麼?」、「呢份工可能成日開OT」......結果我就將朋友們既答案同我既答案混合後再講出黎,就這樣,成了。

      很開心,雖然我唔係乜野勁人,人工並不高,但總算搵到自己喜歡的工作,而且畢竟也是有丁點兒名氣既大公司,之後就算出去都應該大把世界掛。更開心今次是工搵我、有人賞識我,亦證明了我做part-time也是盡全力,努力總算有回報。

      最後,又悶又老土地講句:「我會做好呢份工。」

 

(唔想公開做乜野,真係有興趣知就私人留言,不過可以講下我第一份工其實係 D乜C 度做營業員,同依家份工性質完全唔同)

 

 

 

延伸閱讀:唔撈

                終於......再度成為雙失青年

                番工一個月後之感想

                番工一星期後之感想

                終於搵到工


[1]

歡迎回到打工地獄

灰先生
[引用] | 作者 灰先生 | 12th Oct 2011 08:56 | [舉報垃圾留言]

冇工番既話仲地獄

[引用版主回覆] | 作者 fighting phoneix | 10th Nov 2011 01:06

[2]

恭喜你找到 "新" 工作 ^-^

希樹
[引用] | 作者 希樹 | 12th Oct 2011 15:52 | [舉報垃圾留言]

多謝~

[引用版主回覆] | 作者 fighting phoneix | 10th Nov 2011 01:07

[3]

恭喜!

Him
[引用] | 作者 Him | 12th Oct 2011 22:59 | [舉報垃圾留言]

感激~

[引用版主回覆] | 作者 fighting phoneix | 10th Nov 2011 01:07

[4]

最重要也是那兩個字:喜歡。
不喜歡的話,打甚麼工也是苦差

L
[引用] | 作者 L | 12th Oct 2011 23:05 | [舉報垃圾留言]

冇錯,如果番一份唔鍾意既工,好辛苦

[引用版主回覆] | 作者 fighting phoneix | 10th Nov 2011 01:08

[5]

恭喜啊!祝新工大吉!加油!!!

貓城記
[引用] | 作者 貓城記 | 23rd Oct 2011 01:03 | [舉報垃圾留言]

我會加油!

[引用版主回覆] | 作者 fighting phoneix | 10th Nov 2011 01:15

[6]

希望我會好似你咁LUCKY,早日搵到份工, 上年公司話做唔住要CUT人,我也HEA好耐,今年做4個月TEMP,依家又要搵.
希望你做得開心D.


[引用] | 作者 REALITY | 28th Oct 2011 18:24 | [舉報垃圾留言]

真係唔好再做temp,正正經經搵份長工吧~

[引用版主回覆] | 作者 fighting phoneix | 10th Nov 2011 01:17

[7]

很久沒過來看看了, 順便留言吧~
恭喜你找到新工作
(原來你也是服務業喔!? 跟我一樣~~)


[引用] | 作者 shareblog | 1st Nov 2011 17:32 | [舉報垃圾留言]

做服務業...已成過去了,依家搵工既工作性質係完全相反~咁你應該估到我做緊乜~

[引用版主回覆] | 作者 fighting phoneix | 10th Nov 2011 01:18

[8]

可能你跟人家講後會無期
人家咪記得你 ,或且你跟呢份工有緣份

點都好過做雙失青年...哈哈


[引用] | 作者 biu5000 | 10th Nov 2011 15:08 | [舉報垃圾留言]

真係估唔到嫁,緣分也!

[引用版主回覆] | 作者 fighting phoneix | 26th Dec 2011 16:36


[10] Re: fighting phoneix

我終於找到工,希望一切順利。也謝謝你早前的意見。


[引用] | 作者 REALITY | 30th Nov 2011 19:11 | [舉報垃圾留言]

好好做啦!唔使客氣!

[引用版主回覆] | 作者 fighting phoneix | 26th Dec 2011 16:37